بالالار شىعارماشىلىعىنا – كەڭ ءورىس

ەلباسىنىڭ تاپسىرماسىنا سايكەس بالالار مەن جاستاردىڭ عىلىمي-تەحنيكالىق شىعارماشىلىعىن دامىتۋ جونىندە 2015-2018 جىلدارعا ارنالعان جۇيەلى شارالار كەشەنى ازىرلەندى. جۋىقتا استاناداعى وقۋشىلار سارايىندا ءبىلىم جانە عىلىم مينيسترلىگىنە قاراستى «رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى» مەكەمەسىنىڭ باستاماشىلىعىمەن وسى باعدارلاما تالقىلاندى. مۇنىڭ جۇمىسىنا پارلامەنت ءماجىلىسىنىڭ دەپۋتاتتارى, بىرقاتار مينيسترلىكتەردىڭ, ۇلتتىق كاسىپكەرلەر پالاتاسىنىڭ وكىلدەرى استانا جانە الماتى قالالارى مەن وبلىستارداعى ءبىلىم باسقارمالارىنىڭ, تەحنيكالىق شىعارماشىلىق ورتالىقتاردىڭ, جاس تەحنيكتەر ستانسالارىنىڭ باسشىلارى قاتىستى. وتىرىستا رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ديرەكتورى رايسا شەر اتالعان باعدارلامامەن جينالعانداردى تانىستىردى. وندا بالالاردىڭ بوس ۋاقىتىن قوسىمشا بىلىممەن ۇيىمداستىرۋ, بالالار مەن جاسوسپىرىمدەرگە ارنالعان قولدانىستاعى زاڭنامالاردى جەتىلدىرۋ, جاستاردى تەحنيكالىق ساۋاتتىلىققا تاربيەلەۋ ماسەلەلەرى قامتىلعان. اتالعان ماسەلەنى تالقىلاۋعا پارلامەنت ءماجىلىسىنىڭ دەپۋتاتتارى ءاسيا بيمەندينا, ايگۇل سولوۆەۆا, «استانا ەكسپو-2017» ۇق» اق باسقارۋشى ديرەكتورى سالتانات راحىمبەكوۆا, «نيۋتون – ءال-فارابي» حالىقارالىق ارىپتەستىك باعدارلاماسىنىڭ مەنەدجەرى ر.كەننەدي, بىرقاتار ءبىلىم باسقارمالارى مەن مەكتەپتەردىڭ باسشىلارى قاتىسىپ, ءوز ۇسىنىستارىن ورتاعا سالدى. وتىرىس سوڭىنان بالالار شىعارماشىلىعىن دامىتۋ ىسىنە ۇلەس قوسىپ جۇرگەن بىرقاتار ادامدارعا رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ العىس حاتتارى تابىس ەتىلدى. سۇڭعات ءالىپباي, «ەگەمەن قازاقستان».